Twisted: The Untold Story of a Royal Vizier (Whole Show)

Twisted: The Untold Story of a Royal Vizier (Whole Show)

SUBTITLE'S INFO:

Language: Chinese

Type: Robot

Number of phrases: 1920

Number of words: 2044

Number of symbols: 22080

DOWNLOAD SUBTITLES:

DOWNLOAD AUDIO AND VIDEO:

SUBTITLES:

Subtitles generated by robot
00:02
係好耐好耐以前 一個好遠好遠嘅地方 有一個夢幻國度 之所以繁盛起嚟,都係因為堅持兩個簡單理念 盡責同投入,簡稱2D 好多年黎,王國嘅輝煌境況 吸引各種工匠、手藝人同說書人 紛紛慕名而來,一心傳承2D嘅理想 因為眾志成城,王國迎嚟一個黃金年代 (驚) 隨後又一個繁華盛世,更勝以往 可惜,之後就一落千丈 王國落入一個邪惡蘇丹嘅手中 佢不務正業,搞到王國日漸頹敗 (嘆) 世上最開心嘅地方,變咗世上最垃圾嘅地方 不過有一個男人堅持不懈 哩個男人滿懷希望 要令王國恢復昔日輝煌 迎嚟傳說中嘅第三個盛世 可惜佢一直被人誤解 哩個就係佢嘅故事 皇家大臣不為人知嘅故事
01:29
我環顧王國,四周充滿絕望 一片荒涼空虛 我做咩都冇用 但今日可能係時候啦 我終於可以改變哩個地方 王國子民都會心懷感激咁同我講… 死開啦 死開啦 死開啦 死開啦 死開啦 死開啦,賈方 早晨呀,麵包師傅 你今日又去邊呀?你條廢柴 (呱) 你條廢柴 你正話叫我咩話?死人頭 冇,我冇講野呀 係我隻雀仔講咋,佢識得重複人地講過嘅野 咁呀?咁不如你教佢咁講啦 死開啦,賈方 瑪莉,啲法棍呢?快啲啦 點解食物總係唔夠食? 點解我哋都係街上等死? 點解我個蘇蝦成日喊? 點解我阿媽會歸西? 我阿媽又係!我阿媽都係!我又係…
02:36
其實一切嘅答案好清楚明白 都係賈方哩個樣衰老大臣 我哋受苦受難都係多謝佢咋 雖然大家好難過,不過都唔駛愁 我哋千祈唔好唔記得 每個王國子民從小就學識嘅個句野 你要俾心機去夢想 尤其係人生不如意嘅時候 總之俾足心機去夢想 信我啦,只要你俾心機去夢想 你就一定做得到 只要你心地善良,樣又夠正 就可以繑埋雙手唔駛做 好事自然就會搵上門啦 我嚟還返之前借嘅嗰本書 乜係你呀,賈方,咁耐先嚟還呀,正一食屎狗 但我真係愛不釋手,哩本我好鍾意 主角係個俾人誤解嘅女巫,根本就唔壞,只係成身綠色
03:39
但係王國大大小小問題都入佢數 你覺我自己掂過我咁話呀?識字大曬呀? 躝出我間書店 我哋唔歡迎你哩種人 咁本書呢? 你拎走啦,鬼唔望你俾老鼠顏射 多謝你呀 點解王國裡面咁多賊仔? 點解周圍都冇曬好工做? 點解太陽夜晚會落山? 點解王國上下都係白人? 賈方? 賈方!賈方!賈方! 凡係正人君子,睇到佢個死樣,都絕對唔會信任佢 佢扭曲嘅五官真係睇到人打冷震 (抖) 我哋都係祈求終有一日哩個衰人會消失啦 只要誠心祈求嘅話,佢一定會嘅 因為只要 俾心機去夢想 就一定如願以償 俾心機去夢想 就再困難都唔駛怕
04:51
只要你俾心機去夢想,就一定會成功 只要你心意堅定,冥冥中就會有主宰 解決曬你一切難題 真係唔好意思,小姐 唔緊要,以後唔好再用個豬頭隊住本死人書啦 我知道自己唔靚仔,個樣生得三尖八角 絕對唔可以靠哩副皮相搵食 但樣生得醜就令人識得用腦 因為俊男美女企係度就有好事送上門 我去街都會聽到人地係度細聲講 我知道佢哋叫我 樣衰老賈方 我做規劃,佢哋話係陰謀 我話佢哋妄想,佢哋話係夢想 點解得我一個睇得清事情嘅真面目呢? 我需要六隻蛋 點解唔去買? 我想識得飛
06:01
根本不切實際 我想做隻貓 吓? 收聲! 吞一茶匙嘅糖時吹口哨 你對星星許嘅願望就會實現 俾心機去夢想啦,各位,賈方遲早不得好死 可能俾駛過嚟嘅船插死 或者俾交錯嘅樹根勒死 俾鬣狗食剩棚骨 或者一唔小心仆死,例如係城堡 鐘樓 或者懸崖 只要我哋俾心機去夢想 有耐心又夠善良 咁樣一嚟樣衰老賈方就一定會消失 精彩!真係太精彩啦 阿雀,有時候我真係覺得全世界得你一個朋友咋 (呱)死開啦
07:17
好囉 我本書,成本都係泥啦…唔係喎,咪住,係屎嚟嘅? 個陣除係我,賈方 你肯定唔會信今朝有幾癲 點解我哋皇家守衛隊長成身都係屎? 我同手下喺個窗口跳出去 跌咗落癲佬哈金堆特價肥料度 為乜呢? 我哋追緊一個人,唔係,係妖魔 哩個賊仔日日都偷平民嘅野 麵包、曬緊嘅衫,連西瓜都唔放過 我哋搏曬命捉佢,但佢總係早一步鬆人 今日情況有啲失控,搞到好多好人死咗 點會咁架? 吞劍佬俾把劍割喉死 因為個賊養嘅馬蹓直接扯走把劍 記得嗰個訓針床嘅人嘛? 記得 有個肥守衛撻落佢度 依家佢死咗啦 然後我哋由窗口跌落一車肥料嗰陣
08:31
卡寶跌斷頸當場死亡,另外兩個俾屎哽死 起因只不過係一條麵包 押度,你未死?我以為你俾屎哽死添 我哋搶返條包未呀? 冇呀,可惜俾嗰個賊仔走甩… 搶返啦,係呀,押度,我地搶返條包啦 真神保佑 最衰都係你,賈方 係我衰?點會係我衰而唔係個賊? 有賊都係因為你冇兌現承諾 解決社會不平等同貧富懸殊現象咋 你仲嚟民間做乜野呀?你個死貴族 今日會有個好重要嘅王子來訪 嚟自我地其中一個附庸國 就係彼思王國嘞 我要親自迎接佢 又係嚟同公主求親嘅人? 係就好啦,隊長 佢今次拜訪係因為我哋兩國嘅貿易協議已經到期 我要設法同佢續約,如果唔係我國就玩完啦 所以我動用一切人力物力,確保王子玩得盡興 我哋安排咗美食體驗,等佢同公主共進早餐
09:56
還準備多樂園兩日通行證 同一條頸繩方便佢儲紀念徽章 所有人都一定要用至高禮遇接待王子 其實我之前見到你講嘅王子騎馬行過 係? 有人對佢大言不慚,就係我哋頭先講嗰個賊 咩話? 隻過街老鼠用紮鞭丟佢塊面 仲話未見過有兩個屎忽嘅馬 雖然我唔肯定個賊係話王子有個馬屎忽 定係塊面似馬屎忽 點都好啦,成街人都笑曬,王子嬲到震呀 我最好趕返去皇宮 確保佢同公主嘅早餐會順順利利 賈方,公主唔係出名會放老虎咬來訪嘅王子咩? 大鑊 你講得啱 你最好唔好又搞禍佢,賈方 冇…梗係冇,你都係快啲去捉嗰個賊啦 佢叫咩名? 我只係聽聞過,都係謠言嚟,據講佢叫做阿拉丁 咁我哋就要搵到哩個人
11:03
哩個阿拉丁 嘁…睇下哩個慘況 死屍就咁放係街頭,哩個王國真係冇救啦 係度點養馬蹓呀? 嚟啦,馬蹓,唔駛怕架 係囉,只係死屍嚟啫 可以好好玩架 睇下,你可以踢佢 食佢又得 (呀) 最緊要係可以洗劫佢 搵到啦 睇過 掂喎,睇落同你有八成似 你可以入酒吧啦 班守衛俾我拎走個包咪算囉 佢哋都唔透嘅 我根本唔係壞人 (馬蹓唔同意) 我偷野係因為我買唔起啫 而我咩都買唔起 想要野食,但係我冇錢 咁就閉翳,但係死唔曬 所以我咪諗出哩個超級妙計囉 咩都偷一餐
12:19
好,馬蹓,我地開餐啦 好呀! (吐)噁,提子乾?我最憎提子乾 你哋兩個孤兒仔 肚仔餓唔餓呀?食唔食麵包? 好呀,哥哥 去執啦,死蠢 講真,我唔多揀擇,眼前見到咩都拎 咪批評我,你又唔知我苦況 我枝拐杖 知味道未!我咩都偷一餐(笑) 麵包!有麵包賣! 以依家咁嘅環境,價錢好實惠架 嗨,老友 又係你哋? 唔好啦,今朝已經偷過我一條麵包 係囉,你真係唔好再整提子包 我好憎提子乾 我頭先仲同馬蹓傾緊,佢覺得應該殺咗你 (吼) 我同佢講「唔得,咁太過分啦」 不過依家我又覺得…「都好」 以後唔准再放提子乾 咪住,求下你 我聽日就拎啲冇提子乾嘅麵包嚟 你真係好人嘅啫,我會幫你同班賊仔朋友宣傳架嘞
13:32
但你欠我一個人情 知唔知係哩個落後國家,要你做野先會俾錢你? 真係唔駛客氣啦,大佬 我會繼續咩都偷一餐,誓死唔做法西斯高竇賤人 閒人 衰人 懶人 廢人 邊鬼個會搵工做?人生咁樣最風流 無論我要咩,都唔駛錢就有 而且經濟咁鬼差 雖然我要閃得夠快,咪俾成班想殺人咁款嘅人追到 老友,咁樣都好過打工啦 係咪呢? 今日咁早就去惹事生非啦?阿拉丁 捉到先叫出事 阿拉丁? 出事啦 自從我哋一齊個晚,我就有咗你嘅骨肉啦 我爸爸話,你一定要娶我,如果唔係我家族都會蒙羞 咪住…我先唔會放棄夢想,成家立室
14:41
你老竇咁講係佢賤格 再講,如果我要娶老婆 我希望係兩情相悅 阿拉丁,我明白嘅 我知道你會,你真係好特別嘅女仔,潔絲寶 潔絲寶係邊個? 大鑊,穿煲添 我扯 賤人 唔駛掛 淫蟲 好啦喎 我就問一句,為乜呀? 咪都係因為你插穿我個女條罅 咁你又啱喎,不過公道講句 大佬,你個女好索 係呀 我覺得偷野係我天職,畢竟偷野係門藝術 我偷衫又偷屋,冇咩就搶咩 無論蘇蝦食嘅糖,定你身上件衫 信用、身分,定係你嘅鋒頭 知識產權照搶,雖然唔知咩意思 如果你靠近啲睇 哩個可憐嘅孤兒仔仲會偷埋你個心 好啦,我哋務必確保王子哩次拜訪會過得開開心心
16:01
而且世事難料,話唔定佢同公主會擦出愛火花呢 哩種女人嫁得出就有鬼 阿密得王子殿下 哩個就係貴國嘅待客之道嗱?賈方 你睇下哩度 你講,你睇到啲咩? 你嘅心心圖案孖煙囪,殿下 仲有呢? 你個八月十五,殿下 我個八月十五 露曬出嚟 咁哩個呢? 血呀,我個八月十五有血呀 你話嘞,賈方,因乜解究會有血呢? 係咪你… 係因為你哋公主放隻孟加拉虎嚟噬我屁股 幸好我屁股生得咁小巧啫 我都好慶幸殿下你有個咁小巧嘅屁股 我真係冇諗到 佢居然以為可以任由王子俾隻孟加拉虎咬
17:20
而完全唔會對政局造成影響 哩件事直情係宣戰,賈方 但佢以為係無傷大雅嘅玩笑 好似當我係個死蠢二打六 出場只為凸顯佢幾咁唔肯嫁人 冇咁嘅事… 聽住,雖然我貴為一國之君,人哋都有感覺架嘛 都有人關心我架 請殿下原諒我哋公主啦,佢仲細,不過佢心地幾好架 唔好俾屎我食,仲話係咖哩飯啦,賈方 你咁樣做,即係你哋王國又一次侮辱我國 不過你哋好快冇得咁得戚架啦 畢竟你哋過去十年最大出口項目 無論係玩具 熱帶魚 清掃機械人、有如「超人特攻」咁勁嘅物品 全部都唔係你哋製作,而係出自我國 係,你哋負責製作,我哋負責發行 你哋搶曬功勞 我哋共享咋
18:35
或者我哋唔想再共享功勞啦 我係考慮過要延續哩個同盟關係 不過家下多得你哋個公主,就唔駛旨意啦 下次我再嚟哩個所謂「夢幻國度」 我就唔係帶住頸繩,或者多樂園兩日通行證 而係一隊大軍 賈方,準備開戰啦 咪住,阿密得… 收聲!冇人可以令阿密得王子出醜 嗰個姑娘仔呀 公主,睇下你今次點解釋! 弊啦,個啲印度雀居然飛咗出嚟 唔係!係我放佢地走嘅 但係個啲雀係由國外入口架 係度根本生存唔到,一個鐘頭之內就會俾鷹食咗 有一個鐘頭嘅自由都好過係籠入面過世 日日有人餵食、照顧、執手尾
19:42
咁樣算咩生活? 公主,你幾時先明白做咩都會有後果架? 你正話放老虎咬嘅王子,話會同我哋王國開戰啦 冇咩大不了啫,佢都係得個樣 同之前見過個啲驕傲自大嘅人一樣 但唔係所有嚟求親嘅人都應該俾老虎咬掛 第一個嚟嘅王子呢?騎住白馬風度翩翩呀 聽講佢有一次,係趁人地女仔昏迷個陣嘴佢呀 咁唔叫風度翩翩,咁叫強姦犯 係咁,艾力王子呢?縱橫海上又識吹笛 佢同條魚搞呀 佢先冇同條魚搞 佢想同條魚搞 一個嫌人強姦、一個搞魚 咁樣落去仲有人可以符合你嘅高要求咩? 你知道自己終有一日要嫁 我先唔會!婚姻係中世紀啲人發明嚟表現對女人嘅支配 就同奴隸制一樣 提子呢!
20:49
而且,要我嫁人,我希望係兩情相悅 你遲早都會明白人生唔係話有夢想就一定會實現 人生只能夠不斷妥協認輸 我仲指望阿密得王子幫手解決王國嘅問題 結果家下雪上加霜,我仲要諗辦法去同你執手尾! 但…你…可惡呀呀呀 做公主真係逼到人…唞唔到氣 我係皇宮生活就嚟窒息啦 殿下,要撥扇嗎? 依家又凍咗啲 殿下,要絲綢披肩嗎? 我點可以披住佢?你知唔知哩啲都係血汗工場製造架? 你先前哩埋係邊? 係殿下嘅私家血汗工場織絲綢 你係個種地方做過野? 冇錯 咁樣係助紂為虐,你係問題嘅幫兇 你講得啱,殿下 唔通得我一個希望人生可以做到更多野?
22:03
我真係好想可以自由自在,你班奴隸係唔會明架啦 係嘅,殿下 我係哩度最有權勢嘅女仔 只要揮一揮手,全世界都要聽我話 不過我都係覺得…冇癮嘅 根本冇人明白我 外人睇我嘅生活梗係覺得 我有僕人、老虎…之類啦 你應該係度諗緊「佢根本要咩有咩」 你冇諗錯,我的確係 但又如何?根本就滿足唔到我 我想要充滿歷險嘅生活,唔駛俾規矩綁手綁腳 最好危機四伏,不過一定要肯定
23:12
我最後會安然無恙,全身而退 我一定要逃出哩座皇宮,享受真正嘅自由生活 我會搵個新地方住,地方要一樣大又有景 仲要有幾十個僕人服侍我 我只不過想要咁樣啫 我只想擁有一切,仲要更多更多 我要月亮,我要搬去月亮住 將月亮夾批食,又當成寵物養,仲拎嚟當髮飾 終有一日,個啲話我發夢嘅人,例如父王同賈方
24:15
就會發現自己錯得幾離譜 我會一邊恥笑佢哋,一邊食住大啖月光批 我只係想要自己選擇,講真,咁樣要求好高咩? 但做決定好難,我根本應接不暇 點解冇人嚟幫我做哩件麻煩野? 公主嘅生活真係充滿各種煩事 辛苦到我希望自己係身分低下嘅窮人 不過…係有錢個隻 我願意付出一切,只求可以換個新環境 咁多奴隸同守衛 真係令我好辛苦
25:24
因為我都冇得擁有… 一切 仲有更多更多 好啦,各位,係時候度橋啦,王國隨時可能開戰 各位? 有冇人? 嗨,賈方 隊長,我隊幫手呢? 我班助理大臣?我隊智囊團呢? 佢哋同我一樣堅持盡責同投入架 唔通我成個2D部門都唔見咗? 原來你仲未知道 知道咩? 出事啦,賈方,上頭落嘅命令已經落實啦 蘇丹陛下及其行政部門下令 整個2D部門…需予以解散? 一百五十個員工全數炒魷? 係呀,當魷魚咁塞入麻包袋,打到佢哋死 但個班男男女女都係卓越人才 所有技藝高明嘅師傅就咁丟曬出去 係西塔最高嗰個窗口丟出去架
26:52
蘇丹點可以咁做架? 咪賴蘇丹,賈方,最衰都係你 你成個2D部門都做唔出成績嚟 我知道 係咁先 我國仲曾經係藝術、文化、科技方面嘅先驅 點會淪落到哩個地步? 點會淪落到哩個地步? 可惡呀! 咪住 冇可能架 條頸鍊…我好多年冇見到佢啦 時間嘅洪流,請帶我返去 返到一切失控之前,返到愛情如歌嘅時候 返到明天光明如艷陽嘅日子 教我如何改變過去 時間嘅洪流,請帶我返去
28:26
糖漬棗 糖漬棗同無花果!糖漬棗同開心果! -麵包!-頸鍊?-魚即捉即賣 大家好呀,今日真係感謝真神賜福 你好呀,賈方 我都要幫你感謝真神,賈方 就係今日啦,係咪? 今日皇宮終於請個老實嘅好人去做野啦 蘇丹嘅助理大臣,你可以整肅個班政棍啦 你肯定得嘅 好啦,比娃,我相信皇宮嘅高官都有盡力做野 只係需要一個有堅毅決心嘅人 指引佢哋走直路啫 或者你講得啱,賈方 但係你點做到架? 你點會對每個人都咁好? 其實秘訣好簡單,人人都做得到 我都堅守一條黃金原則 係咩原則呢?賈方 就似數數咁簡單,一、二、三、四 堅守黃金原則,因為人生都係有來有往 記住哩件事,你就會對每個人都友善相待 堅守黃金原則,其實要做到並唔難
29:32
將大家當兄弟姊妹咁善待,佢哋就會對返你好 你想傷害另一個人嘅時候,問咗自己先 你會希望人地點對你?換個位置諗下先 堅守黃金原則,我就係咁樣生活 你幫我我幫你,就係我嘅人生座右銘 我付出都會有回報 你個賊仔! 先生,我真係好肚餓呀 你知唔知偷野嘅刑罰係咩呀? 好兄弟,千祈唔好郁手 奧馬,發生乜野事? 哩個細路搶我野 咁你就行私刑? 我有權咁做架,賈方 但咁做應唔應該? 你想傷害另一個人嘅時候,問咗自己先 你會希望人哋點對你?換個位置諗下先 無謂斬佢隻手呀,要佢幫你做野咪仲好?
30:38
俾份工佢,係咪? 細路,你都諗下如果人人都偷奧馬嘅野 到頭來佢都冇野食,係咪? 堅守黃金原則 原來我因為飢餓而盲目,好似野獸咁衝動 堅守黃金原則 我哋唔係野獸,我哋有天賜嘅禮物 有頭腦去理智思考,有心去愛人 堅守黃金原則 點呀?你哋兩個可唔可以一齊合作呢? 堅守黃金原則,因為人生都係有來有往 記住哩件事 你就會對每個人 都友善相待 堅守黃金原則,其實要做到並唔難(非常簡單) 將大家當兄弟姊妹咁善待,佢哋就會對返你好 堅守黃金原則(佢哋就會對返你好) 堅守黃金原則(佢哋就會對返你好) 堅守黃金原則(佢哋就會對返你好) 堅守黃金原則(佢哋就會對返你好) 我諗大家都玩得好開心啦,係咪? 我係時候去皇宮啦 祝你好運,賈方!仲要記住…
31:48
堅守黃金原則,我哋就係咁樣生活 你幫我我幫你,就係我哋嘅人生座右銘 我付出都會有回報 我哋付出都會有回報 冇錯!我付出都會有回報 堅守黃金原則,堅守黃金原則 堅守黃金… 失禮曬,大人 咩話… 邊個咁夠膽闖入皇宮,仲打擾皇家大臣 喺佢喺皇宮入面嘅皇家寢室休息? 你!你係咩人?
32:56
我?我叫賈方,大人 哈,係,嗰個新嚟嘅助理大臣 嚟斟咖啡嘅 我唔打算淨係做咁少野架 我知道自己初嚟報到 不過如果你哋願意俾啲時間我嘅話 我諗咗一系列都城極之需要嘅改革措施 雖然係要花好多心機,出多少力 但我相信只要我哋堅守黃金原則 就能夠創造一個新的世界 你我一齊享受,當然仲有王國上下嘅所有好人啦 (奸笑) 講完未呀? 聽住啦,細路 你頭先講咩黃金原則… 我哋哩度都有一條黃金原則
34:08
邊個有金,就邊個話事 咩話? 我堅守黃金原則,邊個抵擋得住? 手有黃金,就能統治天下,幾強硬都得 我堅守黃金原則,你唔做,人哋都會做 我鄰居做野搵到嘅金唔係我要嘅野 邊個有金,就邊個話事,所以佢點都會贏 至於贏嘅獎賞啦喎… 又係金 然後又嚟過 堅守黃金原則 好心咪咁傻啦 收埋你啲白癡善心,我哋要自己上位 我哋 堅守黃金… 我哋話事 我哋話事
35:14
我哋話事 我哋話事 所以啦喎…只要你合埋把口,攤大手板 或者你都會有機會…有錢到出汁漏油 各位,我哋去食鴉片啦 皇宮生活到底係點樣架? (揮劍聲) 呀! 睇你仲敢唔敢對貴族藐嘴! 姑娘,佢對你做咗咩野? 有人割咗我嘅耳仔 因為佢睇我個樣唔順眼 咁樣太殘忍啦 始終係故鄉嘛 小姐,唔駛怕,我識醫術架 雖然保唔住隻耳仔,但都可以止血 你一直講野會好啲,不如講你個名俾我知呀 我叫莎拉薩 睇嚟我今次冇啦 本來人哋係睇中我嘅美貌,依家都唔靚啦 莎拉薩,真正嘅美係內在美 但咩傷痕都無法折損你嘅傾國美貌
36:49
哩位大人,你真係口甜舌滑 叫我賈方啦,我唔係任何人嘅大人 我係服侍王國子民嘅僕人,所以我都係你嘅僕人 係呢,你係皇宮做咩架? 我娛樂貴族,唱歌跳舞,仲有講故事俾佢哋聽 故事?係咩故事呢? 你想像到嘅都有 係啦,你有冇聽過虎頭洞嘅傳說? 裡面充滿各種超乎想像嘅奇珍異品 冇人可以得到嘅秘寶 有鹹濕賊仔鬼魂附身嘅魔氈 其中堪稱最貴重嘅寶物,就係一盞普通油燈 咩話? 唔好見佢好似平平無奇就睇小佢 哩盞唔係普通油燈 佢係禁錮精靈嘅籠牢 精靈識得變形,仲可以實現你所有嘅願望 佢仲好風趣幽默添 得啦,記住壓實繃帶,如果唔係怕傷口…會潰爛 真神保佑!唔通你係法師? 唔係…法術係傻瓜同空想嘅人先信,我只信科學
38:07
只有觸得到、摸得見嘅野我先會信 你講嘅洞穴,我敢講一定唔存在 我可以肯定,因為我都有涉獵地理知識 只係你未見過啫,因為洞穴只會對鎖匙嘅主人現身 嗱,你睇 好靚嘅吊墜,應該係一隻金色聖甲蟲? 有半隻聖甲蟲,就有半條鎖匙 傳說洞穴係俾一對戀人封起嚟 佢哋隨後就化作一隻金色聖甲蟲 洞穴重開之日,就係鎖匙二合為一之時 戀人亦會終於重聚 真係淒美嘅故事 咁你明白啦,你話只會相信觸得到、摸得見嘅野 魔法就係最能觸動人心嘅野 係世上最美妙嘅感受 有道理,或者你講得啱 唔好意思 或者我都被觸動咗 失禮曬,你識好多故事架,係咪? 我有一千個故事,可以講上一千個夜晚
39:35
但依家我諗到一個新故事 年輕高尚嘅大臣,係宮廷平步青雲 佢有才華又俊朗,除咗相貌仲有善心 男人俾人感覺熟悉又陌生 途中偶遇嘅受驚姑娘起初咁樣諗 但出乎姑娘嘅意料,男人嘅眼神 吸引佢更加了解對方,令佢不禁咁講 我想知你嘅故事,想知你嘅過去 請你從頭慢慢講我聽 大大小小都講我知,字字句句都慢慢講 我想知你嘅故事,請你一直講落去 我想知每個起伏轉折 話我知我錯過嘅一切,我仲有好多野想知
40:46
畢竟講到故事,我以為自己已經一清二楚 但係我面前就有一個我唔知道嘅故事 年輕嘅大臣嚟到,一心要改革宮廷 不過命運同佢安排咗意外嘅轉折 係皇宮裡頭,佢遇上一件怪事 原來自己從來缺失一半,如今終於破鏡重圓 姑娘俾人感覺親切又神秘 注定同佢相遇嘅年輕男人起初係咁諗 姑娘美麗又聰明,而且佢嘅眼神 吸引男人更加了解對方,令佢不禁咁講 我想知你嘅故事,想知你嘅過去 我更想知你嘅將來
41:55
請你無論日日夜夜,都講你嘅故事我聽 -我想知你嘅故事,請你一直講落去 -我想知你嘅故事 請你一直講落去 每個細節都慢慢講 請你一直講,直到我能記住一字一句 我平常唔會聽故事,但你喺我嘅故事現身 如今我只望你我嘅故事能夠二合為一 我唔記得跟住係點 我唔係好明白你嘅意思 你記唔記得姑娘係點答覆男人嘅求親? 等咗好耐啦 與你相處一千零一夜仍未夠 你我嘅故事不如就此一直編寫落去 你我嘅故事不如就此一直編寫落去
43:07
老婆,我返嚟啦 嗰個衰人皇家大臣 平民都冇野食,佢仲大魚大肉當自己神咁款 我嘅土地改革法案永遠過唔到啦 佢哋又駁回啦? 同我一齊做野嘅都係自私自利、腐敗無能嘅老古董 佢哋把口,連食驢仔屎都唔配 如果可以晉見蘇丹,可以借佢耳朵一分鐘… 就好似嗰個貴族割我耳仔一樣? 莎拉薩,唔好講笑啦 我同你玩下咋,賈方 依家你笑返,我可以俾禮物你啦 送俾我?係咩嚟呢? (幼鳥叫) 真係好靚嘅雀仔 呱,好靚嘅雀仔 仲識講人話 我係市場見到佢,就知道你會好鍾意 佢仲識講咩? 你教咩佢就識講 呱,驢仔屎 係我頭先罵嘅字,係咪? 你真係個聰明嘅姑娘,總係諗到辦法要我保持正直 養寵物學下愛護照顧都好嘅
44:13
可以當係練習 你講咩話? 我哋一直以嚟嘅努力終於修成正果? 連醫師都話冇可能架喎 讚美真神,仁慈好憐憫嘅主 賈方助理大臣,宮廷傳嚟訊息 你獲准晉見蘇丹啦 請你馬上去皇宮報到 老婆,聽到嘛?可以上呈我嘅土地改革法案俾蘇丹啦 仲要撞正哩個好日子 真係太幸福啦,賈方 同我一齊去皇宮啦,我哋永遠都唔會再分開 與你相處一千零一世仍未夠 你我嘅故事不如就此一直編寫落去 你我嘅故事不如就此一直編寫落去 注意 注意 注意 恭迎真神係凡間嘅代言人
45:32
王國嘅父親 子民嘅牧羊人 國土嘅君主 兩隻腳嘅仙 注意 恭迎奧西利斯與波勒陀之子 神聖嘅統治者 注意 恭迎蘇丹陛下 莎拉薩,聽講佢舌燦蓮花架 真係冇諗到可以見到佢真人 佢會同我哋講乜野?會有咩睿智嘅見解呢? 肅靜! 靜心恭聽蘇丹陛下莊嚴嘅聲音 (咳) 好多年前呢 我用一隻手指 隊咗我條啫啫入去 至今都未彈返出嚟 可以開始稟奏啦 真係含義高深又引人入勝嘅經歷,陛下 我相信各位都能從中有所得著
47:41
鴉片呢? 我一定要有酒、蜜餞同埋芝士 馬上送到,陛下 等緊嘅時候,我低賤無謂嘅助理大臣 有唔知咩事想啟奏俾尊貴嘅陛下 你可以講啦,賈方,唔好同我搞禍佢 陛下,臣下賈方向你請安 我俯伏在陛下面前,希望呈上哩份土地改革議案 改革攸關我哋嘅生活方式 你係邊個? 我?陛下,我係賈方,我正講到… 唔係你,你隻嘰嘰喳喳嘅猩猩 哩位係我妻子 小女子拜見蘇丹陛下 依家佢係我老婆啦 我後宮一定要有佢 咩話? 佢令我萎靡嘅下體有返活力啦 係嘅,陛下,馬上就將佢送到後宮 唔得,佢點都係我老婆 你係咪要違抗蘇丹陛下? 違抗你嘅君王?
48:55
同我跪低 吓?唔好… 賈方!唔好呀! 哩個女子馬上就會送去沐浴淨身,送到陛下嘅後宮 莎拉薩!唔好! 我唔可以袖手旁觀,佢要搶走你,佢係賊 我唔會俾你走 但你唔可以唔放 哩個係蘇丹嘅旨意,我哋都係侍奉佢嘅人 或者我唔想再侍奉佢呢 都城需要你 你終有一日會係出色嘅大臣,哩個先係你嘅故事 我真係希望有能力改寫佢 千祈唔好放棄希望,賈方 嚟,你拎住 吊墜? 記得故事嗰對戀人嘛? 虎頭洞嘅鎖匙 我哋終有一日會重聚,發現超乎想像嘅奇跡 我先係俾蘇丹搶走佢 跟住天堂就帶走咗佢 我以為只要自己盡責,就可以搶返佢 如今我係皇家大臣
50:27
但都係無能為力,救唔到佢,亦救唔到都城 除非… 虎頭洞 個盞神燈 可以實現願望嘅精靈 如果我相信願望可成真 無論睇落幾咁愚昧荒唐 我會搵到嗰個秘密洞穴 對抗時間嘅洪流,返去救你 如果我相信夢想可成真 如果我相信魔法嘅存在 如果我相信好人有好報 我會做最好嘅大臣,解決我咃一切難題 如果我相信就能做得到 但願望都係發夢 而夢不過係假象 到頭嚟,科學同理智先係真理 科學話我知你已經唔喺哩個世界上 理智話我知依家我只係對空氣講野 但係我心裡面,一個埋藏心底嘅地方 毫無理由咁堅信你仲喺度
51:52
喺世上某個地方 如果我相信願望可成真 如果搵得到另一半鎖匙 或者為時未晚,我仲可以改寫命運 話曬我最後一定會有好大成就嘛 如果你相信我就做得到 賈方 隊長,咩事?睇唔到我好忙咩? 出事啦,係公主出事 我哋搵勻曬所有地方,都搵唔到佢 睇嚟佢係出宮啦 佢成日講要自由 我應該早就估到會咁 我都係咁話 最衰都係你,賈方 仲企喺度做咩?出去搵佢啦 仔細搜索每一個角落 我另有要事要做 公主,你個天真嘅傻妹 只求你冇俾咩鹹濕流氓拐走啦 呢邊呀,囡囡 你頭先係市場救咗我,我想再同你講聲多謝
53:17
真係估唔到嗰男人會咁鬧我 只不過拎佢幾個蘋果啫 係囉,啲商人對哩種事真係懶巴閉 講真,佢食得曬咁多蘋果咩? 你知道嘛?佢自己食唔曬嘅 仲會拎嚟賣,賺人錢? 貪錢得佢呀 但你就好大方 為咗你唔識嘅女仔挺身而出 仲完全唔指望有咩回報 仲好心咁堅持請我同你住一晚 唔駛客氣 我成日都咁做 你住哩度架? 只係暫住啫 環境好好 依家其實幾亂,地方咁大好難打理 冇人幫你打理咩?冇奴隸? 我有隻馬蹓,不過… 佢淨係打掃自己個邊,仲成日沖涼唔拉簾 我哋嘅劇本佢一粒字都未寫 離曬大譜 真係太唔公平啦,窮人同有錢人一樣需要奴隸 可能更加有需要添 你知道最慘係咩嘛?
54:40
掌權嘅人完全冇著手改變哩個情況 老古董最怕改變 係囉 大人都唔理解我哋 就好比,你十六歲 而我… 係喎,嘩,我三十三歲咋 我見慣世面 有時候就唔記得自己其實好後生 我好鍾意家下咁自然嘅對話 你真係好成熟,又有深度 你哩種思想自由嘅人梗係搵唔到兩餐啦 一切都係多得我國腐敗不堪嘅分級制度 我好憎分級制度 所以我話「夠啦,我以後唔會再返學」 即係…你拋棄一切,追求自由? 太勇敢啦 勇敢?我呀?係嘅 其實我都係被迫架 我唔成熟唔得 我嘅人生真係…好艱辛 我知道你覺得我樣樣都好,但我有件事要坦白
56:11
希望你聽咗之後唔會冇咁鍾意我 我有個悲慘嘅身世,其他女仔聽到都怕怕 但係我覺得你信得過,聽咗都唔會歧視我 其他人都過唔到哩關,因為我嘅故事太淒慘 總之我講啦,你應該知道 我冇爸爸冇媽媽 佢哋死咗,係今年嘅事 依家我係個孤兒仔 我嘅父母一直以嚟都支持我 等我有瓦遮頭,仲成日話無論點都會愛我 真係好差嘅父母 三十三歲嘅細路點識得自己生活喎? 你想像唔到有幾辛苦 冇人整麵包我食,又冇人幫我鋪床
57:24
仲冇人教導我點樣分辨事情對與錯 亦冇人唱歌我聽 我真希望自己同以前一樣堅強 可惜我三十三歲喪爹娘 阿拉丁,我好戥你難過,我冇諗到係咁 冇人會抱緊我 冇人俾我晚安吻 冇人用個胸緊貼我,同我講 「冇事架」 不過呢 我嘅生活就係咁 因為我三十三歲喪爹娘 佢哋鬧我閒人、廢物、死飛仔 但我唔可以介意哩種無謂野 其實我都可以做大事,可惜我爸爸媽媽瓜老襯 我覺得係咁嘅環境成長,自己都算係…唔錯啦
58:39
我自己振作好好做人,咩都偷一餐 可惜依家都係冇人愛我 不過我會捱到落去嘅 雖然我心裡好苦,孤單寂寞覺得凍 但係我對天發過誓 他朝我有自己嘅細路,就要打破哩種宿命 睇住嚟啦,我將會永生不死 咁佢哋就唔駛同我一樣…三十三歲喪爹娘 你信唔信有一見鍾情? 梗係信,我體會過 好多好多次 阿拉丁
01:00:08
搵到你啦 佢地嚟捉我啦 佢地嚟捉你? 佢喺嗰到,捉佢啦,快啲 捉到佢啦 唔係掛 公主,好彩我哋搵到你,唔係哩個壞人就會… 俾我獻出初吻? 你… 冇得High five 你搞禍曬啦,快啲放咗佢 恕難從命,以哩個人犯嘅罪,一定要受審 咁樣太唔公平啦 佢只係為勢所逼嘅受害者 受害者? 你敢同巴夫嘅孖生兄弟押度咁講嘛? 佢先係受害者 同阿拉丁唔同,佢仲有錫佢嘅屋企人呀 咪係囉 哩個人要為謀殺同偷竊接受相應嘅刑罰,即係斬頭 唔係掛 咪俾樣我睇啦 我都係跟住賈方嘅命令做野 最衰都係佢 賈方簡直唔係人 你遲到
01:02:00
萬分抱歉,耐心嘅大人 咁你搵到啦? 我要劏幾條友,不過我攞到啦 係啦…另一半嘅金色聖甲蟲 依家我可以搵到虎頭洞嘅入口啦 咪住,咩話?你劏人? 我冇叫你殺人,太殘忍啦 賈方,唔係,只係比喻咋 吓? 真架,我係話係市場劏人價 劏幾條友、殺價… 明白,即係你同商人買嘅? 梗係… 個商人不知幾咁精 但係我冇俾佢嚇怕,完全冇 我直接行入佢間舖 搞左佢隻狗仔 咩話? 哈…賈方,只係另一個常見比喻嚟咋 我係話我令佢知埞,令佢好似軟弱無力嘅狗仔咁 咁呀…最近市場嘅比喻真係出神入化
01:03:14
賈方,你要放鬆啲先得架嘛 唔好事事都咁認真啦,老友 真係失禮曬,你做得好好,哩啲係你嘅酬金 多謝曬 其實本來都算順利,不過個商人發現我壓價壓得太多 真架,佢嬲到斬咗我條啫 哈…佢斬你條啫 真係個好… 你個衰人係度笑乜野? 咩話? 你覺得好笑?咁你睇下我條啫啦,你條… 媽呀 衰人 我哋仲要拯救王國,搵到個盞神燈 虎頭洞據講係個好危險嘅地方 不過唔駛愁,我諗到個好人選可以派去 佢死我都唔會良心不安 我搞清楚先 你放我出嚟,係要我去個有金山銀海嘅洞穴 但你淨係要拎一盞爛舊燈? 正是,其他寶藏都係你嘅 但個盞燈一定要俾我 我愛死你啦,老友
01:04:36
我會有好多黃金,可以係裡面游水,當係泳池 你覺得係咪真係游到? 唔得 不過有咁多錢,你就唔駛再以犯罪維生 可以遠走高飛,以後都唔再返嚟 我一定會咁做,不過有樣野我要搞咗先 咁係咩野? 哩樣野…係個女仔 吓? 係,佢對眼真係… 仲有佢個屁股,佢個胸 佢真係好… 美若天仙? 搞得落手 不過佢係公主 要見到佢,我至少要夠錢去… 請一隊殺手軍團殺咗個皇家大臣同所有宮廷守衛 然後我就可以偷偷入去…扑野 因為只要我睇中咗條女,我就成個心都仆係佢身上 下面唔拔出嚟唔安樂 你去虎頭洞出得返嚟先算啦
01:05:52
然後你就可以拔你個條出嚟 拔曬出嚟就最好 好呀,咁到底喺邊呢? 我唔知…就知啦 得咗啦…跟住佢去 我會成為英雄,廣受民眾愛戴 佢哋會為我辦遊行,孔雀同馬蹓咩都有 民眾都會歡呼,頌讚皇家大臣 盡忠職守救國家 雖然我唔追求名聲 只係想要故事有個人人幸福嘅美滿結局 我想快啲做有錢人,因為我成日聽人講 如果你本身好有錢,偷人野就易過借火 不過我睇中嘅野,錢買唔到 嗰個公主真係…好鬼嫩
01:07:17
我會係第一個去探佢寶洞嘅人 今晚就得到我嘅美滿結局 我無辜嘅阿拉丁,寶貝,你千祈唔好死 唔係我哋嘅愛火都會熄滅,你唔可以冇頭架 我真希望你識得飛 諗到辦法遠走高飛 帶我去一個新地方,可以擁有一切,仲有更多更多 係嗰度啦,虎頭洞嘅入口 去啦 有朝一日精靈會同我講 「賈方,你真係一個高尚嘅好人」 「我唔想睇到你孤單,俾過去回憶煎熬」 「一個人格如此高尚 影響力又廣泛嘅人」 「點可以冇人相伴?」
01:08:28
「我知道你嘅願望,只要你首肯 我可以令你妻子返生」 只要妻子喺我身邊,我嘅過錯都會煙消雲散 世界會變成人間天堂,一切問題都不再存在 我哋可以退休去杳無人煙嘅地方 一齊住係小小嘅生活空間 只求一個樸素溫馨嘅住家 -咁就可以編寫我哋嘅美滿結局 -我想擁有一切-我咩都偷一餐 我哋可以有一個美滿結局 就係咩都偷 -嗰個美滿結局就始於… -我想擁有一切-我咩都偷一餐 今晚… 正呀
01:10:00
發生咩事? 老友,我正話係堆黃金度游水 但堆金突然全部化成熔岩,好彩我搭上飛氈走甩啫 你攞到盞燈未? 燈係有盞 太好啦,後生仔,拋過嚟啦 咪住先,你話你要普通嘅油燈 仲話完全冇價值 冇錯,就係佢啦 唔會,肯定唔係佢,哩盞燈入面有隻魔法精靈 佢頭先出嚟一陣,真係好鬼風趣 係我衰,我早知道有精靈 我呃咗你,對唔住,我需要神燈嚟拯救王國 你全部都係假話,老友 其他寶藏都係熔岩幻化架咋 哩樣野我帶走啦 阿拉丁一分,老野零分,係咁先 唔好… 眾將士 彼思全國嘅軍隊 我忠誠嘅軍團 你哋王子返嚟啦 阿密得王子,你返嚟啦 我哋就嚟唔記得你啦 都唔知道你仲返唔返嚟呀,殿下 我梗係會返嚟 點解會唔返?
01:11:27
你哋一定唔會信 我去嗰個夢幻國度受到點嘅侮辱 不過我有證據證明佢哋有幾歹毒 眾將士,睇下我個屁股 (驚) 講啦,你哋睇到咩野? 好光滑圓潤嘅八月十五,殿下 乾淨小巧嘅屁屁,殿下 我見到你下墜嘅蛋蛋 冇錯,你哋睇到嘅就係爪痕 咁呀… 你哋認為點解會有嘅呢? 你俾隻獾爆菊 係因為你對鱷魚笑 嗰啲係橙皮紋,有好正常 係老虎抓嘅 原來如此,係俾隻老虎爆菊 係囉,你哋聽到未?我哋王子同隻老虎發生關係 我哋一齊喊萬歲,擒虎阿密得 擒虎阿密得… 我冇同隻老虎搞! 有人放虎咬我,隻衰貓一野抓爛我條褲 捉住我嘅胡迪仔 擒虎阿密得… 唔係…係胡迪呀,睇吓 佢隻手爛曬啦,家下…佢唔可以同我去牛仔夏令營啦 都係嗰個唔領情、乞人憎 沉魚落雁閉月羞花嘅公主
01:13:33
冇可能架啦 佢咁好嘅女仔,同我咁嘅人 我生得又唔係靚仔 邊係呢 收聲 我鼻尖奇奇怪怪向上彎,兩撇鬍鬚古怪又可笑 剃咗佢好過啦 千祈唔好 我哋就鍾意你依家嘅樣 無論發生咩事,你永遠都係我嘅王子 多謝 你喺家鄉享負盛名 人人都聽過你嘅大名 無論戰場內外,你都鶴立雞群 咪係,但喺嗰個王國,我唯一出名嘅事 就係同我臀部有關嘅插曲 臀部… 講真 我贏過無數血戰,令我嘅敵人肝腦塗地 但硬係冇人記得阿密得 我仲將農民碎屍萬段,由頭斬到腳趾尾
01:14:45
但硬係冇人記得阿密得 係哩個王國提我個名,人人都會一面茫然 除非你講埋老虎同斑點底底 斑點底底 為咗重振我威震四方嘅名聲 我睇都係得一條路行 我要實行大屠殺,殺幾百萬無辜平民 咁佢哋就一定會記得我啦 嗰個王國欺壓我哋好多年,但我實在俾人忽視太耐啦 我哋去開戰啦 即使一身泥 定渾身血,你氣味都香如花 但硬係冇人記得阿密得 你寵幸六十個妃嬪只需要一粒鐘 唔駛添呀 但硬係冇人記得阿密得 係家鄉我係英雄,一開口就令姑娘腳軟 但哩度嘅女人當我係可以隨便拋棄嘅傻瓜
01:15:50
拋佢出去… 我係天之驕子,但可惜 即使係天神再世,有時候都會覺得不安 不安… 我只係想要有人愛,咁樣俾人拒絕真係太難受啦 太難受,你睇佢受咗幾多苦 唔通我冇吸引力?你哋唔想要哩個型男? 你唔會寧願放棄一切錢財身外物 只為能夠迎接去完單方面屠殺嘅我 然後用舌頭舔乾淨我香汗淋漓、沾滿血腥嘅身體? 你渾身性感,睇你展示肌肉,六舊腹肌幾完美 但係公主都拒絕我 雖然佢依家未愛上我 但我敢話只要殺曬佢嘅子民,佢就會啦 佢會,佢一定會愛上你 由佢哋笑,冇所謂,但最後笑嘅人一定係我
01:16:56
因為到佢哋死曬就笑唔出啦 我會令佢哋後悔自己唔記得我嘅日子 大家,叫咩名話? 擒虎阿密得! 唔係! 再嚟,叫咩名話? 殿下鶴立雞群,腹肌硬過石頭 佢哋永遠再唔會嘲笑你,阿密得 佢同隻老虎搞過 我冇同老虎搞 佢哋都會記得阿密得 佢哋都會記得阿密得 佢哋都會記得阿密得 佢哋都會記得我 擒虎阿密得…阿密得同老虎搞 佢哋都會記得阿密得哩個擒虎小能手 咩話? 全軍出發! 係度嘛? 係你呀? 你唔係好忙咩?忙住去搞禍我嘅生活 我見你冇去食晚餐,但發現你試圖係我嘅酒落毒 通常你咁樣做就代表,你想同我傾計
01:18:28
點呀?嬲我呀? 好囉,我要去搵解藥啦… 你去邊呀? 終於應人啦 到底有咩事? 全部都有事 你扯我個心出嚟,仲丟落地等佢碎成千千萬萬塊 唔好扮唔知我講咩 呃… 你知架,市場嗰個無辜嘅男仔 俾你判處死刑嗰個呢 你知架,阿拉… 阿拉丁? 冇錯,阿拉丁 哩個名將會永遠烙印喺我嘅心上 首先,係我就唔會叫佢男仔,佢都三十好幾啦 佢好完美,就好似將所有好男人嘅優點集埋一齊 再配合個淒慘嘅身世 感覺佢好似係度身訂造嚟吸引我 公主,佢唔係好人嚟架 你冇我咁了解佢啫 係你冇我咁了解佢 我對佢嘅事一清二楚,佢係我嘅靈魂伴侶
01:19:44
我嘅… 激氣,我斷片啦,佢叫咩名? 阿拉丁? 阿拉丁 我寫低先 兩個L? 唔係,1L,2D 睇落真係奇怪 真係好怪 公主,由你出世起,我就係你嘅大臣、導師 你信唔信都好,我真係關心你 你終有一日要接手統治王國 我依家係盡力幫你做好準備 我唔想做好準備 我想要隨遇而安 所以你覺得依家接手統治都得? 梗係 咁你要點樣保護王國,免受阿密得王子攻打? 萬一佢真係嚟嘅話 咁咪…邊個嚟? 換個簡單嘅,你點解決社會不平等、貧富懸殊嘅問題? 哩個…我最近諗咗好多 我…我知道我好好彩 因為我係公主,大家就要對我好,送野俾我
01:20:56
所以我認為要解決王國所有問題 只要令人人都做公主就得啦 好啦… 你知道行得通架 你仲細,未識世界點運作 雖然我唔多欣賞你嘅主意,但我欣賞你有主意 或者將來你會諗到好主意 但係我就會忘記哩個阿拉丁 佢就同王國其他王子一個樣 全部都係色魔 佢哋嘅招數都一樣,專門搵易受騙嘅後生女 慢慢令對方信任自己 然後借啲奇妙旅程製造單獨相處嘅機會 只要時機一到…佢哋就會露出嚟 就係… 唱歌露兩手 唱歌咋… 小心唱歌露兩手嘅後生仔 通常唱完歌之後,就露啫啫 歌只係披住羊皮嘅啫啫 萬一你唔知點算,記住哩首歌就得啦 歌只係披住羊皮嘅啫啫 唱完歌之後,啫啫就會蒲頭
01:22:19
賈方 隊長,咩事?唔見我教緊佢好重要嘅事咩? 而且好似你係出事先會嚟搵我 今次唔係 謝天謝地,咁係做咩野? 出大事 有個傻瓜騎住大象帶住成隊人喺市場巡遊 巡遊?冇申請?冇清場? 啲蘋果車呢? 撞冧曬 唔係掛 仲未講完,個癲佬拋金幣俾班餓壞咗嘅民眾 家下佢哋人踩人咁搶呀 我數到十三人死亡,但後來連孔雀都加入戰場 死火 最衰都係你,賈方 如果你肯時不時辦下巡遊… 唔駛你多嘴,隊長,行啦 公主,我哋轉頭再講 其實個巡遊幾好睇,佢哋仲有飛氈添 飛氈,唔通係… 冇可能,阿拉丁哩種精甩辮嘅人 肯定唔會再係都城露面 就算佢返嚟,都肯定會好好喬裝打扮過
01:23:38
係度嘛? 係咪有人訂咗個王子? (驚)阿拉丁 你點會知道係我嚟? 因為就係你呀,你只係換咗套衫 美貌與智慧並重 囡囡,你真係範範掂 但係你點樣走甩,冇行刑嘅? 我走得甩係因為…我係王子 你係王子? 我仲以為你係好窮嘅孤兒仔 我有啲接受唔到囉 咪住…我就係王子,個晚我同你講嘅都係假架 你唔信我咩? 即係…你唔係身世可憐、對抗體制嘅叛逆男子? 囡囡,我就代表體制 咁你偷咁多野只係因為過癮? 冇錯 呃…慘啦 好…依家我覺得你先前吸引我嘅地方 好似都唔存在啦 唔係嘅…只係我自己多心啫
01:25:07
你依然係你 我只係要捉返住先前個種興奮心情 係呀…你想要興奮? 係,你望實我,同我再講下世界係點唔公平 好呀,我先去捲枝大麻煙 精靈,我細細粒嘅老友 我知道唔可以許願要條女愛上我 因為你有咩麻煩規矩之類 不過我唔係要佢愛我,只係要佢同我搞 可以許願要求哩個嘛? 唔得? 真係呀,你到底有幾多條規矩? 你條友真係好鬼幽默 好啦,睇嚟我只好用傳統嘅方法 嗨,我係阿拉丁,你哋今晚幾好嘛? 好…依家收聲先,我有認真野要講 你哋知唔知有辦法可以令人諗起性,而唔駛講出嚟? 你需要利用…佢嘅潛意識 睇住學野啦 囡囡 今晚個景真係靚(除衫啦) 你啱啱講咩話? 我話今晚出面個景幾靚
01:26:37
你睇下皇宮嘅西塔(除衫啦) 你覺得似咩? 一碌粗粗嘅擎天柱,上面係細細嘅頭 你聯想到啲咩呢? 長頸鹿 係?我睇落似另一樣野喎 或者你(除衫啦)嚟哩邊睇清楚啲 不如我地搭上魔法飛氈去兜風(同除衫)? (飛氈飛嚟嘅聲音) 我哋不如換個地方,等我哋可以獨處 (你想唔除都唔得) (除衫啦…) 弊啦 你哋覺得賈方話阿拉丁嘅野,係咪真架? 我睇唔係 我都係咁話 阿拉丁人又好又有風度,而且…佢又冇唱歌 睇下座金色皇宮 閃令令又硬梆梆
01:28:09
仲有啲似陽具,望下你都會認同架 睇下地面嘅樹葉,寫嘅訊息幾明顯 SFX? 咪眨眼,唔係你就會錯過 佢係婉轉咁同我哋講 除衫啦 真係好多隱藏訊息 婉轉得嚟又有啲下流 不過如果你夠精,睇到就會有感覺 想要除衫啦 我潛意識覺得好似非除不可 我都唔明點解會咁,不過此時此刻 我真係覺得好想同你一齊除衫 我好想同你一齊除衫 我覺得好似雀仔一樣,冇籠又冇主人 睇下,個神父勃起咗
01:29:12
我覺得係佢膝頭哥咋 -除衫啦 -我哋真係好夾 -上天都咁同你講啦 -我好期待同你成親 每個徵兆都係精心安排架,接受上天嘅指引啦 除衫啦… -公主,除褲啦 -你同我就唔駛虛偽 俾我睇你張魔氈 連天上嘅星星都反映我哋嘅愛情 (上床啦) 指引我哋應該一齊除衫 你愛我? 梗係啦 你仲係王子? 囡囡,我係全世界最有權勢嘅王子 仲勁過阿密得王子? 我連佢個名都冇聽過 或者咁樣我就可以幫手拯救王國啦 我要嫁俾你 娶我啦,阿拉丁 如果我娶,你係咪會… 除曬你衫褲 咪咁急住先 除曬你衫褲 最後先再講
01:30:26
至少除上面? 阿拉丁,夠 囡囡,我知道你會怕,我都怕架 我未做過哩樣野 係我哋成親之前,唔可以就咁坐係度睇星星咩? 好… 睇吓,我尊重你意願架 (除衫啦) (飛氈飛走嘅聲音) 哈…我要問你一件事 你條啫啫係凹定凸架? 呃…凹嘅 我都係 蘇丹 我嘅君王,我嘅陛下 賈方,睇唔到我同哩個毛毛男 進行緊一場發人深省嘅對話咩? 有咩事? 我正話去市場收拾一場非法巡遊 結果見到佢,阿密得王子返嚟啦 邊個? 我仲諗住佢係過下場啫,唔駛認真理佢 但係佢帶咗彼思成隊軍團嚟,遲早會攻入城牆
01:31:58
我國氣數要盡啦 係我辦事不力 都係你 你一向都係咁 所以我又同無能嘅你執手尾啦 咩話?點樣做? 係呀,公主終於揀好夫婿,聽日佢就會嫁俾嗰個王子 王子會召佢自己嘅軍團嚟,佢哋會打敗阿密得王子 佢係邊個?哩位英雄? 咪就係世上最有權勢嘅王子囉 佢有五十隻大象、勁多大羊駝,仲有熊人、獅子 仲有銅管樂隊 仲有銅管樂隊 同埋妓女 唔好忘記班妓女 係你?神燈係邊? 唔好傷害我呀 賈方,你對王子做咩? 佢先唔係王子,係我哋通緝緊嘅賊仔阿拉丁 你點解會睇得出係我? 賈方,唔係呀,阿拉丁同我解釋一切啦 佢只係假扮成通緝犯 嚟過癮 其實佢係好有權勢嘅王子 佢大話連篇,哩個先係真相 我帶佢去沙漠搵一盞神燈 裡面有隻可以實現願望嘅精靈
01:33:12
聽我講埋先啦 我想要用神燈拯救王國,但俾哩個賊仔搶走咗 我懷疑呢… 我講乜野呢? 我係確信,我知道佢用神燈許願變套王子禮服出嚟 我哋眼前哩套野就係啦 神燈九成就係個頂大小啱啱好嘅帽下面 亂講 我點會假扮王子?為咗溝女? 我唔係咁嘅人 後生仔,你一生人做返次好事啦,交盞燈出嚟 你自私咁濫用佢嘅魔力好耐啦 咪住… 點解你係咁啄住我?賈方 怕我洩露你嘅小秘密? 咩秘密? 你哋冇人懷疑過,點解佢一開口 就可以說服其他人聽佢枝笛? 佢到底用咗咩手段? 邏輯、理據 不過呢,我就覺得係… 法術 蘇丹、公主,哩個人…係法師 咩話? 你哋諗下,如果唔係佢點識咁多野? 賈方,河馬邊度嚟架?
01:34:27
非洲 你真係知道,可惡嘅法師 你咁樣亂噏廿四,根本冇人信你 冇錯,我真係冇辦法相信 我居然身邊有個法師,但一直都唔知 守衛,捉住哩個法師 咩話?唔好呀 今次真係你衰啦,賈方 我早就應該睇得出你係法師 你班白癡!全部都係蠢材! 居然聽個隻卑劣嘅過街老鼠講 都唔信侍奉宮廷大半生嘅忠心臣僕 我到底點會侍奉你咁多年,我自己都唔明 其實我都預咗你班蠢材會咁 但係公主,我對你好失望 夠啦,我聽夠啦 捉住哩個可惡嘅叛徒,斬佢個頭 我先唔要斬頭 所以我要混合哩樽氯酸鉀,同哩樽碳酸氫鈉 混合之後會冒好大煙,正好俾我借煙遁逃 睇落會好似使法術 但哩個只係化學作用,唔係法術 係化學 嚟啦 (咳)
01:35:39
嘩,我仲諗住昆下你哋啫 佢居然真係法師 我頭先居然企係個法師隔離 隊長,搵嗰個法師出嚟 我可以搞掂 我仲有一個願望可以用 我本來想話許願要大鵰,不過… 死火,個盞神燈呢? 我違抗蘇丹嘅命令,犯咗最重嘅叛國罪 但我都係出於好意,有充分理由先咁做 好彩嘅就殺頭,唔好彩就受盡折磨 我點會認為咁嘅發展仲可以全身而退? 依家還返去都未遲,或者蘇丹會寬恕我 但如果我作反可以改善大家生活嘅世界 難道我又唔應該對王國嘅子民盡責救國? 咁嘅情況黃金原則又點計? 如果係民眾,我應該會慶幸有人幫 但如果係蘇丹,我會好恨俾人背叛 無論行邊條路,都會激嬲另一邊 至今我都只會走筆直嘅路
01:36:58
雖然遇過唔少誘惑,我以前都抵抗得到 但如今我應該點行?前路變得咁… 扭曲? 你係邊個? 扭曲前路嘅同路人 咪住,我知你係邊個,莎拉薩講過你嘅故事 哼…你自以為了解我 就好似人哋自以為了解你一樣 但每個故事其實都可以兩睇 我曾經係海洋嘅統治者 仁慈愛民,又言出必行 但我嘅兄弟觀念好保守 以為女人應該乖乖聽話先至係 所以佢推翻我,同我斷絕關係,仲將我踢去第二度 趕去王國外圍嘅洞穴裡面 搶走我嘅權杖同皇冠 雖然我試圖對抗佢,但真相如今與我共沉海底
01:38:15
雖然故事流傳落去,但係內容已經被人扭曲 哩種事我都深有體會 獅群從未出過我咁積極改革嘅王 我令獅子同鬣狗都可以和平共處 我終結咗長久以嚟無謂嘅仇口 以為自己準備萬全卻誓估唔到 我兄弟食咗我嘅後代,我寶貝嘅崽 搶走我嘅王位 仲恢復以前充滿仇恨嘅隔離制度 雖然我鼓吹和平共處,但總係遭人駁斥 所以我一見到糾正嘅機會,就撲出去啦 我最終因自負而失勢,只能感嘆命運真係扭曲 佢哋只係未接受到我嘅新理念 唔係,佢哋唔係唔鍾意你嘅理念 佢哋憎你,只係因為你面上嗰條邪氣嘅刀疤啫 命運女神只會保佑美麗嘅人 我唔同意
01:39:36
我唯一錯嘅,就係愛佢 成個鎮只有佢嘅美可以同我相比 係內在美 可惜遭逢慘劇,佢被人捉左去城堡 裡面全部係俾妖怪附身嘅家俬 所以我自然就組織咗一隊搜救隊 我點會估到佢居然鍾意咗…個綁匪至得架? 我個人覺得咁嘅關係唔多正常 尤其條友係半狼半熊嘅樣 根本係水牛妖怪 披住披風 不過心之所向嘛,即使咁嘅愛幾扭曲都好 扭曲… 我只係攞返我應得嘅野 我只係想大家都可以平等共處 我只係想救返佢 我只係想人哋請我去宴會啫 我只係想改善種族之間嘅關係 我只係想教識個細路做人要負責任 我只係想令大家都可以發表意見
01:40:50
等佢唔駛淪落到同我一樣 我只係想愛佢 幫助悽慘孤獨、難過憂心嘅人 預埋我一份 融洽相處 搵下我都好 我都冇老竇教 -我只係想公正-我只係想愛佢 -我只係想自由-我只係想和平 我只係想… 我只係想拎狗仔做皮草大褸啫 -吓?走開啦-點解要咁做? -咪多嘴啦 你嘅處境的確好不幸 但係你可以揀點應對 人死歸塵土,仲有咩留係世上? 只有佢做嘅事可以繼續流傳後世 但如果流傳嘅唔係佢嘅成就 佢嘅功績同偉業都冇人傳頌呢? 萬一聽日開戰,大家都一鑊熟
01:42:26
我仲擔心名聲做咩?反正我係唔係都死 世人會點講我嘅一生? 世人會點講我嘅事跡? 有人會在乎我點樣咩? 問題係我覺得邊樣高尚啲 係人人愛戴但毫無作為,定係飽受罵名都做正事? 我永遠做唔到子民愛戴嘅英雄 但係如果苟且偷生,咁我哩生人為咗咩? 我哩生人為咗咩? 前路雖然扭曲,但我點都唔會動搖 我就去做醜人,俾佢哋應得嘅生活 我已經冇野可以輸,扭曲嘅前路就係唯一選擇 隨便佢哋點傳,隨便佢哋點鬧
01:43:39
反正我死咗都冇人會為我哀悼 隨便佢哋埋沒我做嘅野,不再重見天日 隨便佢哋點樣扭曲事實 隨便佢哋扭曲我嘅一生 我唔怕人哋扭曲,哩條係我嘅命 夢幻國度嘅子民 你哋嘅軍隊已經拋棄你哋 你哋嘅管治階級腐敗 我哋係黎終結哩個獨裁政權嘅 你絕對終結唔到我哋嘅獨裁政權嘅 公主,真係巧遇呀 係本王子阿密得呀 乜水? 阿密得王子呀,上個禮拜嚟拜訪過公主你 我誓言要報仇嘅呢?我帶軍隊嚟蹂躪你哋啦 我記得啦,我隻老虎仲噬咗你屁股呀嘛 擒虎阿密得…
01:45:03
咪嘈 冇,你隻老虎冇噬…都冇隊過我屁股 今日係本王子嚟隊先啱 冇錯,快啲送隻老虎俾阿密得,就唔會有人受傷 收聲 咪講啦 我係話我要隊冧哩個王國 可惜呀,阿密得 你絕對冇可能隊冧哩個王國 咩話? 我哋有個好有權勢嘅王子保護我哋 佢嘅軍隊大過你嘅多多聲 冇可能 傳聞話佢曾經對抗千軍萬馬 打低過一百個揸刀嘅壞蛋 好快你就會主動投降 阿密得王子,睇住阿拉丁王子出場啦 阿拉丁 阿…啱呀,阿拉丁! 佢喺邊? 嘿…睇黎你個王子縮沙噃
01:46:46
行埋一邊啦,公主,我唔係嚟殺你 我嚟係要蘇丹嘅人頭 咁你即係要搵我,阿密得 賈方? 賈方? 賈方 你咩意思?你都唔係蘇丹 我就係 我已經得到法力,阿密得 好快我就有能力殲滅你隊蝦兵蟹將啦 冇可能 現身啦,精靈 有無邊法力,威震世間嘅精靈 可以呼風喚雨、移星換月嘅精靈 現身聽候你主人嘅差遣啦 你同我講野? 你同我講野? 係叫你呀,同我快啲躝過嚟啦 莊尼嚟啦 好啦,莊尼 阿莊,但係加勒比海盜機動遊戲壞咗 啲海盜都唔會食遊客 總之我…第一個願望係要成為蘇丹 我希望有一百萬…有機啦 夠啦,同我安份啲 依家我要再借你嘅法力,精靈 世上咁多地方、咁多酒吧,佢偏偏嚟到我哩間 邊個? 「玫瑰花蕾」
01:48:20
賈方,發生緊咩事? 你隔離哩個咁搞鬼嘅藍色人係邊位? 佢係我嘅精靈莊尼 我係渦輪超人! 唔好意思,睇嚟佢叫渦輪超人先啱 噓!我係蝙蝠俠! 失陪一陣 聽住,我只係凡人 聽唔明你哋神仙嘅奇怪說話 唔該你幫幫忙合作啲 我唔同卡通人物合作 係卡通人物殺咗我兄弟 我要用第二個願望嚟殲滅個隊大軍 要咁做我就唔可以係凡人 我要成為… 一個象徵 唔係 絕地武士 唔係 didi係 didi係咩嚟? 哈哈哈哈哈 夠啦,我要成為法師 你做唔做得到? 可以 但係你要先問自己哩個問題 我夠唔夠運? 你話呢? 我夠運啦,我搵到有法力嘅精靈 不過我諗佢可能係個白癡仔 咪當我科學怪人咁啤住啦 抱下你老竇先
01:49:54
史葛,嚟啦,史葛仔 你班污糟嘅猩猩,咪掂我呀 渦輪超人,我嘅耐性得返咁少咋 你係唔係引用緊啲咩野? 要我笑我未聽過嘅虛構作品? 你第一次係神燈現身個陣唱嘅歌 我已經唔多鍾意 你依家咁樣亂噏廿四我更加頂唔順 你一係就同我好好合作 一係就收埋把口,聽到未? 打招呼個陣就鍾意咗你啦 阿密得,你仲喺度嘛? 準備受死啦 我要許下第二個願望 我嘅願望,就係要成為世界上最厲害嘅法師 得咗 咪棟喺度啦,同我上 咪住,我哋去緊邊? 馬蹓…我搵到飛氈啦,你去咗… 算數啦 地獄見啦,馬蹓 地獄見啦,公主 地獄見啦,夢幻國度 阿拉丁 我周圍咁搵你呀
01:51:32
阿密得打到嚟啦,你隊大軍呢? 呃…佢哋蕩失路呀 我要過去同佢哋會合,帶佢哋嚟… 冇時間啦 我哋都要死啦 係囉!咁死之前你最想做咩野? (除衫啦) 冇錯,就係上床,快啲除衫啦 我先至唔會除衫,出面仲打緊仗架 點解? 咪呀… 我啲皮膚溶緊呀 精靈…你係邊度? 嚟同我打過啦,賈方 係男人就同我打過,咪好似蛇咁撩走 夠啦,我受夠哩架衰鬼火車上面啲衰鬼蛇啦 精靈,阿密得嘅大軍兵力太強啦 就算我有咁大法力都打唔贏佢哋 我哋要儘量帶走啲平民 送佢哋去皇宮,然後撤退 係我哋贏緊嘅時候? 我諗你太過高估佢哋啦 唔該你停啦!成個賤精咁,你停下好唔好? 羅賓遜太太,你根本喺度勾引我
01:52:46
好啦,好啦…總之將座皇宮同我變去個懸崖上邊 個邊! 咁好啦 (變法術嘅聲) 咪咁啦,囡囡,你真係吊癮 你搞到我下面谷到同精靈嘅一樣藍啦 我冇吊你癮,我只係…唔係變態 哦,我明啦,你係個啲強硬嘅女強人 或者你正需要一個強硬嘅猛男,強硬咁管教吓你 阿拉丁,夠啦 你搞到我好炆 你令性事聽落核突又無聊 講真,我敢肯定,冇錯 我絕對唔會同你上床架 咩話? 咁又唔好講到咁絕,囡囡 (除衫啦,除衫啦) 點解冇用? 哩度發生咩事? 冇事!你明啦?阿拉丁 我哋唔係一對啦,明未? 我哋只係第一次嗌交啫 或者上床好好交流下… 唔會 坦白講啦 我仲以為你係成熟嘅女仔 但你就同其他我拍過拖嘅十六歲公主一樣
01:54:03
不過你忘記咗一樣野 我係賊 我要咩就會搶 咪埋嚟 公主 你埋嚟一步,佢就死梗啦 我冇郁,你冷靜啲 你條茂利叫我冷靜,以為自己乜水? 我要走啦 我要安全返去我屋企,公主囡囡要同我一齊走 唔得,我唔會俾你帶走佢 你唔明佢對我到底有幾重要 我愛佢 你愛佢?大佬,佢得你一半咁大咋,你個變態 唔係個種愛,你個白癡仔 你根本唔明 我老婆俾蘇丹搶走個陣,已經有咗身紀 佢係難產而死 然後公主又咁啱喺個陣出世… 時間差唔多 真主呀,我點解會一直冇發現到? 蘇丹好多年前就已經隊咗自己啫啫入去 根本冇可能有種 阿拉丁,求吓你,唔好傷害佢,我當佢女兒咁愛錫 就算係你,都體會過類似嘅愛架? 係嘅… 我愛我父母
01:55:23
但應該做嘅野都係要做 咩話? 係呀,記得我嘛? 你… 你係殺我父母嗰個人 你之前去咗邊? 係你嘅倒影度 我喺度住 我先喺度住 唔係呀,你只係暫住啫 如果我就係你,咁咪即係… 我殺咗自己父母? 但我冇諗過要佢哋死 扮咩啫?你哩世人每一日都咁諗 -佢哋本來要踢你出街 -又係喎 要你搵工做 我先唔要呀 所以啦喎…佢哋一定要死 嘩…你又講得啱喎 我應該多謝你先至係 係囉!你好應該多謝我 多謝曬 唔駛客氣 好啦,係時候去搶返盞神燈 你要盞神燈做咩野? 梗係許願啦,死蠢 好似你許願變王子咁,確實好諗頭,真係架 不過仲有更好嘅主意,更好嘅願望
01:56:53
例如呢? 我唔知喎,不過敢講一定會非常好玩 好啦,真係呀,我完全唔知發生咩事 但係你絕對冇資格攞刀,亦唔掂得神燈 咪埋嚟 照佢說話做啦,佢會殺你架 梗係,你終於明啦 話你知,我先有資格擁有神燈 因為我最識許願 因為我最識許願 竅妙就係度啦 你只要相信自己亂噏嘅野就得啦 仲有邊個可以做到? 行到嚟哩一步? 你? 你只係個樣衰嘅老野 你講得啱,冇錯,神燈根本唔應該俾我用 我唔相信願望會成真 要相信自己可以改變世界嘅人,先可以用到神燈 冇錯,就例如我 咁你仲唔將盞神燈俾識得用嘅人? 我應該會咁做 但係我俾神燈你,你會俾返公主我嘛? 好呀,咁懶正經嘅女人隨便你拎去 我可以許願要個淫蕩公主,要一百萬個都得! 我想要咩都得
01:58:13
我家下真係好鬼期待 就咁話啦,但係俾之前,我要許埋最後一個願望 精靈,我想取代你,做實現願望嘅燈神 聽到未?你自由啦! 我要成為法力無邊嘅精靈 又係土撥鼠節 吓?唔得… 唔可以釋放精靈架,我仲未許最後一個願望 快啲變佢出嚟,你盞死人燈 太唔公平啦!人生應該公平先至係架! 太好啦!我得到無邊嘅法力啦! 死火啦 萬物都要聽我差遣,任我操控 但我聽候你嘅差遣,公主 賈方!你…好似惡魔咁樣呀 唔係,我只係精靈 係呀…你做咩要許咁嘅願? 你仲唔明?阿拉丁有樣野冇講錯 我嘅願望的確冇咩力量
01:59:25
但你唔同,你後生又有熱情 雖則你天真,但哩一切都係你嘅力量 我係你咁大個陣 我以為自己想做咩都可以做到,仲想做到更多 但我冇,或者冇人做得到 但係你要相信自己做得到,唔係你根本唔敢試 或者你做唔到咩大改變 但小小改變都可以為下一代鋪路 佢哋亦會做啲小改變,係咁代代相傳落去 就好似發展嘅旋轉木馬一樣 不停旋轉,向住更加美好嘅將來進發 有夢想就可以有美好將來 萬一將來永遠唔嚟呢? 唔會,將來一定會來臨嘅 就算我哋唔係度都好 冇我都一樣 神燈同精靈一定要放返去虎頭洞 但我走之前可以實現你三個願望 我覺得自己未準備好 你一定要得,依家王國係你架啦 冇你指引我,我可以點做?
02:00:45
如果我迷失方向,可以搵邊個幫? 我心入面真係好擔憂又怕 我年紀仲咁細,有大把野要學 你令我諗起好耐以前識嘅一個人 你雙眼似佢咁靚,心腸又似佢咁好 所以我咁愛錫你,我亦都非常肯定 係你個心裡面,有粒細細嘅種子 等有朝一日發芽開花,你就有能力帶領大家 你好努力聽我話做野,但其實你唔需要我指導 你一直以黎都有潛力,就係心靈嘅力量
02:01:59
假使我真係有能力,比大家睇到嘅都多 咁我哩股潛藏嘅力量,都係多得你激勵我 如果我可以有大成就,都唔係因為天賦,你仲唔明? 係你俾左哩種潛力我,係我心靈嘅力量 千祈唔好諗住眼見為實 就算睇落有幾微不足道 但係愛其他人嘅力量 絕對勝過世上所有一切 無論命運引領我地去邊度,我哋都唔會分開 經歷高低起跌 成功定失意 我心入面都會記住你 我會永永遠遠珍惜這段外人唔會知道嘅事跡 你心腸好,咁就足夠 你個樣惡,但心地好
02:03:17
你就係我嘅力量 係我心靈嘅力量 我心靈嘅力量 公主,你想我幫你做咩呢? 我希望有辦法和平結束同彼思嘅戰爭 我希望王國有個好蘇丹 將哩度變返世上最開心嘅地方 仲有呢? 我希望你唔駛走,我哋嘅故事至啱啱開始 公主,對唔住,份約有幾個條件,仲有幾項代價 哩個願望我真係實現唔到 咁我希望你擁有世上所有幸福 就咁話啦 殿下…搵到你啦 發生咩事? 你父王出事啦,我地入佢寢宮 想話做例行服務,結果發現佢死左
02:04:47
佢冰冷嘅手搲住哩份宣言 睇黎佢做蘇丹最後一件事就係簽署哩份野 「由此刻起,公主將會是本王國 最大股東及唯一統治者」 公主,出現奇跡啦 咩事? 阿密得嘅大炮射穿左係皇宮嘅秘密金庫 裡面係阿里巴巴失落嘅寶藏呀 各位,我哋到啦,哩度就係大殿 唔好意思啦,阿密得 你冇咁快毀滅到哩個王國 係咪要輸賭? 唔係,我係要買 我成為蘇丹要做嘅第一件事 就係以夢幻國度嘅名義全面收購彼思 你依家係咪玩野呀?公主 收購彼思?我哋係有自尊、潔身自愛嘅人 會保護我哋既名聲同品牌架 你出幾多錢都好,我絕對唔會賣左彼思 隊長,阿里巴巴嘅寶藏價值幾多? 我哩世人都未見過咁多錢,不過我計到喎
02:06:03
七十四億德拉克馬 成交 同你做生意真係開心呀,公主 不過有一個條件 你要派出貴國嘅人才黎做行政官 佢哋要有好諗頭,幫助我地重建 交俾我安排,我哋會幫貴國重上正軌嘅 但係你一定要尊重我哋嘅傳統同歷史 請你幫我國重建理念,再次學識盡責同投入 你一定要將2D帶返嚟 我哋嘅新蘇丹,公主殿下萬歲! 起身啦… 由依家開始,冇人再需要向其他人低頭 王國終於會迎黎人人平等嘅時代 由哩刻起,每一個人都係公主 我都係? 你都係 我都係? 冇錯,你都係! 今日真係發生左好多好事
02:07:15
最衰都係賈方 冇錯,你講得好啱,隊長 隊長?唔係應該叫公主咩? 好對唔住,公主 講得好 咪住,咁賈方家下點? 原來精靈嘅生活就係咁 有無邊無際嘅法力,但住嘅地方狗竇不如 皇家大臣不為人知嘅故事就咁完啦 奇怪啦,我記得結局唔係咁嘅? 吓? 你唔記得最精彩個段 就係個對愛人重聚,永遠幸福快樂 莎拉薩,但係點會… 我記得有人許願想你幸福快樂 所以我返嚟,同你一齊住喺神燈裡面 唔通你唔開心? 梗係開心!但咁樣你咪都永遠困係度? 我成日都話一千零一夜都未夠架啦 即係公主佢真係成功咗 佢其他願望呢?
02:08:52
都實現咗啦 佢令所有人都變成公主 就確保大家都得到尊重同關愛 大家都明白要將心比己 佢跟住黃金原則做野 帶領子民展開第三個盛世 不過莎拉薩,你點知哩啲事? 神燈係超越時空嘅存在 所以精靈可以睇到咁多有趣嘅電影 引用個啲對白 我地可以睇到一切 無論係咩時候、係邊度都得 咁我地睇下個賊仔阿拉丁後來點樣 呀…你好呀,哩位尊貴嘅朋友 唔好客氣,靠埋啲啦 哎呀,咁又近得濟 佢係阿拉丁?又老又肥喎 睇吓哩樣!二合一水煙壺同咖啡機 仲可以做辣醬薯條 絕對唔會爛,絕對… 爛左添 佢係度叫賣二手貨,真係冇鬼用 哩盞唔係普通嘅油燈 佢曾經改變左個後生仔嘅一生 個後生仔…外表平凡,其實好犀利
02:10:02
佢一直做小販做到五十五歲 有日被個偷麵包嘅賊仔害死咗 哩個就係故事嘅真正結局 咁我地嘅故事呢?結局係點? 根本唔會完 與你相處一千零一夜仍未夠 我哋嘅故事終於可以一直編寫落去 你我嘅故事不如就此一直編寫落去 呀… -咁就可以編寫我哋嘅美滿結局 -我想擁有一切-我咩都偷一餐 -我哋可以有一個美滿結局 -就係咩都偷 -嗰個美滿結局就始於… -我想擁有一切-我咩都偷一餐
02:11:11
今晚… 睇咗呢 (一千零一夜)

DOWNLOAD SUBTITLES: